Ísak Logi kominn yfir 50 mörk í Olís deildinni

Ísak Logi Einarsson náði þeim áfanga að skora 50. mark sitt í Olís deild karla í síðasta leik sínum gegn HK, þar sem hann skoraði 9 mörk.

Ísak Logi er aðeins búinn að leika 5 leiki í deildinni í vetur en er kominn með 53 mörk, sem þýðir að hann skorar að meðaltali 10,6 mörk í leik.

Þessi markahrina kemur honum í 2. sæti markahæstu leikmanna deildarinnar, einungis á eftir Gunnari Róbertssyni úr Val sem er með 66 mörk. Á eftir Ísaki Loga koma þeir Hákon Daði Styrmisson úr Aftureldingu með 45 mörk, Freyr Aronsson úr Haukum með 42 mörk og Dagur Árni Heimisson úr KA með 40 mörk.